Promises for forever

Hey Daring, Dazzling Damsel, one for you:

I may not be a knight in a flashy shining armour

Weakness for you doesn't strip me of any valour

Strength to see you eye to eye, I'd have to garner

With unwavering support, you push me to a corner

To life, you've brought peace, joy and splendour

And rekindled my spirit with renewed vigour

In every ebb and flow, I shall be your succour

Being able to explore you is truly an honour

ಎಚ್ಚರವಾದಾಗ

Christmas ರಜೆಗೆ ಇನ್ನೇನು 2-3 ದಿನ ಇದೆ ಅನ್ನುವಾಗಲೇ ಚಿಕ್ಕಮ್ಮನ ತವರಿಗೆ ಹೋಗೋಕೆ ಭಾರೀ ಸಿದ್ಧತೆಯೇ ನಡೆದಿತ್ತು. ರಾಜಹಂಸ ಬಸ್ಸನ್ನೆರಿ ಹೊರಟೆವು. ಮಧ್ಯಾಹ್ನ ಹತ್ತಿದರೆ ತಲುಪಿದ್ದು ಕತ್ತಲು ಆದಮೇಲೆ. ಎಲ್ಲರಿಗೂ ಆಯಾಸವಾಗಿತ್ತು. ಊಟಮುಗಿಸಿ ಮಲಗಿದೆವು.

ಬೆಳಗ್ಗೆ ಎದ್ದರೆ ಹಲ್ಲುಜ್ಜುವ ವೇಳೆಗೆ ಅಪ್ಪಮ್ಮಜ್ಜಿ (ಚಿಕ್ಕಮ್ಮನ ತಾಯಿ) ಘಮಘಮಿಸುವ ಬಿಸಿಬಿಸಿ ಕಾಫೀ ನಮಗಾಗಿ ಮಾಡಿದ್ದರು. ಹೇಳಿ ಕೇಳಿ ಮಲೆನಾಡಿನ ಹೊಸ್ತಿಲು, ಕಾಫಿಯ ಸ್ವಾದಕ್ಕೆ ಯಾವ ಕೊರತೆ?

ಒಮ್ಮೆಲೆ ಸವಿಯುತ್ತಾ ಹಿತ್ತಲಿಗೆ ಹೋದರೆ,

ಇನ್ನೇನು ಆಗಷ್ಟೇ ಸೂರ್ಯೋದಯವಾಗಿತ್ತು. ಮುಸುಕು ತೆರೆದ ಹವೆ, ಮುಂಜಾವಿನ ಬೆಳಕು, 

ಪ್ರಥಮ ಉಷಾಕಿರಣದ ಜೊತೆ ಆಗಸವನ್ನು ಸಿಂಗರಿಸಿದ ಜೋಡಿ ಕಾಮನಬಿಲ್ಲು. ನೋಡಲು ಎರಡು ಕಣ್ಣು ಸಾಲದು. ಈ ಸೊಬಗನ್ನು ಸೆರೆಹಿಡಿದು ಗೆಳೆಯರೆಲ್ಲರೊಡನೆ ಹಂಚಿಕೊಳ್ಳುವ ಆಸೆ. ಒಳಗಿಟ್ಟಿದ್ದ phone ತರಲು ಹೋದೆ. ನನ್ನೊಡನೆ ಮನೆಯವರೆಲ್ಲರೂ ಬಂದರು.

ಛೇ! ಹೊರಗೆ ಬಂದು ನೋಡಿದರೆ ಸತ್ವಹೀನ ಕೃತಕ ಹಣ್ಣಿನ ರಸದoತೆ ಆ ದೃಶ್ಯ ನೀರಸವಾಗಿತ್ತು. ಕಾಮನಬಿಲ್ಲು ಮಾಯವಾಗಿತ್ತು, ನೀಲಿ ಆಕಾಶವು ದೂರದ ಕಾರ್ಖಾನೆಯ ಹೊಗೆಯಿಂದ ಬೂದಿಮಯವಾಗಿತ್ತು.

ಹೀಗೆ ಮನಸಿಗೆ ಬೇಜಾರು ಆಗುತ್ತಿದ್ದಂತೆ, ಕೊಂಚ ಮೈ ಮುರಿದರೆ ಹಾಸಿಗೆಯಲ್ಲೇ ಎಚ್ಚರವಾಗುವುದೇ? 

ಅಬ್ಬಾ ಎಂಥಾ ಕನಸು! ಮುಂದೇನು ಆಗುತ್ತಿತ್ತೋ ಏನೋ? 🤦🏾‍♂️

ಮಳೆ ಬಂತು, ಮರಳಿ ಬಂದಳು ನನ್ನವಳು

ಭೂಮಿ ಬರಿದಾಗಿತ್ತು

ಬೆನ್ಬಿಡದ ಬಿಸಿಲು ಆವರಿಸಿತ್ತು

ಉಷ್ಣಾಂಶ ಏರಿತ್ತು, ಮೈಯೆಲ್ಲ ಬೆವರಿತ್ತು

ಎಷ್ಟು ನೀರು ಕುಡಿದರು ತೀರದ ದಾಹ 

ಏನೋ ಒಂತರಾ ವಿರಹ

ಸುತ್ತಲೂ ಸಡಗರ, ಆದರೆ

ಆಕೆಯಿಲ್ಲದೆ ಎಲ್ಲವೂ

ಅಪ್ರಸ್ತುತವೆನಿಸಿತ್ತು.

ದಯಮಾಡಿತಿಂದು ಬೇಸಿಗೆಮಳೆ

ಎಲೆ - ಹೂವ - ಹಣ್ಣುಗಳೆಲ್ಲವ

ತುಂತುರು ಹನಿಗಳು ಚುಂಬಿಸಿವೆ

ಮನವೂ ಹುರಿದುಂಬಿದೆ

ಕಾಕತಾಳೀಯವೋ ಏನೋ

ಮೊದಲ ಮಳೆಯಲಿ ಮಿಂದ

ಮಣ್ಣಿನ ಪರಿಮಳದಂತೆ

ಹಿಂತುರಿಗಿದಳು ಆಕೆ (ನನ್ನವಳು)

೨೦೨೦ - ನಿನಗಾಗಿ ಕಾದಿರುವೆ

ಹೇ ದಶಮಾನದ ಹೊಸ ಸಾಲೇ,

ಕನಸಿನೂರಿಗೆ ರೂವಾರಿ ಆಗುವೆಯಾ? 

ಆಶಾದೀಪ ಹೊತ್ತ ಪ್ರಣತಿಯಾಗುವೆಯಾ?

ಉಷಃಕಾಲದ ಹೊಂಗಿರಣದಂತೆ ಆಗುವೆಯಾ?

ಅಸ್ತಮಾನದೊಳು ನವೋದಯವಾಗುವೆಯಾ?

ದಾರಿ ತಪ್ಪಿದರೆ ಧ್ರುವತಾರೆ ಆಗುವೆಯಾ?

ದಿಕ್ಸೂಚಿಯಂತೆ ಮುನ್ನಡೆಸತೊಡಗುವೆಯಾ?

ಕಡಲತೀರದಿ ಹೊಸದಿಗಂತವಾಗುವೆಯಾ?

ಬಾಳಪಥದಿ ಸಹಯಾತ್ರಿಯಾಗುವೆಯಾ?

ಎಲ್ಲವೂ ಅಗೋಚರವಾಗಿಹುದು, ಹಲವಾರು ಪ್ರಶ್ನೆಗಳು:

ಸವಿಭಾವದ ಸಹಗಮನಕೆ ಸೋಪಾನವೇ?

ಸಂಪ್ರೀತಿಯ ಸಲ್ಲಾಪದ ಸೆಳೆತವೇ?

ಆನಂದವ ಆಸ್ವಾದಿಸುವ ಆಮಂತ್ರಣವೇ?

ಆಹ್ಲಾದಕರ ಆಂತರ್ಯಕೆ ಆಕ್ರಮಣವೇ?

ಔಷಧಿಯೇ, ಔಚಿತ್ಯದ ಔದಾರ್ಯವೇ?

ಔಪಚಾರಿಕತೆಯಂಬ ಔನ್ನತ್ಯದ ಔತಣವೇ?